Жогорку Кеңештин депутаттарын мөөнөтүнөн мурда шайлоо өнөктүгү боюнча Прагадагы №9060 шайлоо тилкесиндеги шайлоочулардын активдүүлүгү тууралуу Кыргызстандын Чехиядагы ардактуу консулу Саадат Даминова маалымат берди.

Анын айтымында, Чехияда жашап жана эмгектенип жаткан мекендештердин маанайы жакшы. 

Саадат Даминова бул шайлоодо биринчи жолу колдонулуп жаткан аралыктан добуш берүү мүмкүнчүлүгүнө ал жактагы добуш берүүчүлөр ыраазы экенин белгиледи. 

Прага убактысы боюнча түшкө чейин 50дөн ашык шайлоочу келген.

Шаарлардын аралыгы 200–300 чакырым болгондуктан, дем алыш күндөрү иштеген мекендештер түштөн кийин жана кечке чейин келип добуш бериши күтүлүүдө.

Саадат Даминова айтымына караганда, Бишкек менен Праганын убакыт айырмасы 6 саатты түзөт.