Ыкчам аракеттенүүчү координациялык тобуна саат 08:00ден 18:00гө чейин шайлоо эрежелерин бузуу боюнча жалпысынан 59 маалымат келип түшкөн. 

Алардын 27си алдын ала үгүт иштеринин шартын бузуу, добуш сатып алууга байланыштуу 12, техникалык бузулуулар боюнча 4 жана башка даттануулар 16. 

Кароого 27 маалымат жөнөтүлгөн. Борбордук шайлоо комиссиясынын жумушчу тобуна 19 маалымат багытталды. Аймактардагы шайлоо бөлүмдөрүнө 13 маалымат жөнөтүлдү. 

Мындан тышкары  ИИМге 79 маалымат келип түшкөн:

• Бишкек шаары боюнча – 28;
• Ош шаары боюнча – 6;
• Чүй облусу боюнча – 15;
• Ысык-Көл облусу боюнча – 6;
• Нарын облусу боюнча – 6;
• Ош облусу боюнча – 6;
• Талас облусу боюнча – 2;
• Баткен облусу боюнча – 5 маалымат келген.  

Ал эми одоно мыйзам бузуу фактысы катталган жок. Милиция күчөтүлгөн тартипте ишти улантууда. Кыргызстандын аймагында ачылган шайлоо тилкелери саат 20:00дө толук жабылат.