Милан шаарында өтүп жаткан Милан-Кортина – 2026 Кышкы Олимпиадасында АКШнын көркөм муз тебүү командасы катары менен экинчи жолу алтын медаль утуп алды. Чечүүчү беттеште команданын лидери Илья Малинин мыкты оюн көрсөтүп, жеңишти камсыз кылды.

8-февралда өткөн эркектер арасындагы эркин программада «Quad God» атка конгон 21 жаштагы спортчу бир нече майда жаңылыштыкка карабай, жогорку деңгээлде таймашты. Ал беш жолу төрт айланма секирүү жасап, 200,03 упай топтоду. Бул көрсөткүч АКШ командасына Япониядан болгону бир упай айырмасы менен алдыга чыгууга мүмкүндүк берди.

Буга чейинки күнү кыска программаны ийгиликсиз аткарган Малинин чечүүчү учурда өзүн колго алып, жоопкерчиликти толук сезе алганын көрсөттү.

— Эсеп тең экенин билчүмүн. Баары менден көз каранды эле. Өзүмө: «Бул сенин учуруң» — деп айттым. Толкунданууну жеңип, таймаштан ырахат алууга аракет кылдым, — деди Малинин журналисттерге берген интервьюсунда.