Японияда өтүп жаткан XX Азия оюндарынын алкагында эркектер арасында волейбол боюнча тайпалык баскычтагы кезектеги беттештер өттү. Кыргызстан улуттук курама командасы экинчи оюнунда Индонезия курамасы менен кездешип, үч партиянын жыйынтыгында (25:27, 21:25, 15:25) жеңилүүгө дуушар болду.

Эскерте кетсек, алгачкы беттеште мекендештерибиз Иран волейболчуларына 0:3 эсебинде жеңилип калышкан.

"В" тайпасындагы акыркы беттешин Кыргызстан курамасы эртең, 29-сентябрда Таиланд курама командасына каршы өткөрөт.