Жеңил атлетика боюнча Кыргызстандын улуттук курама командасы  Японияда  өтүп жаткан ХХ жайкы Азия оюндарын байгесиз аяктады. 

Бул ири мелдешке Кыргызстандан жалпы 3 жөө күлүк, 5 аралыкта өлкө намысын коргоду. Жыйынтыгында спортчулар байгелүү орундарга илинген жок. 

Кыргызстандык спортчулардын көрсөткөн жыйынтыктары:

Мария Коробицкая кыз-келиндер арасында 10 000 метрлик аралыкта 33 мүнөт 54,47 секунд жыйынтыгы менен 7-орунду ээледи. Ал эми 5000 метрге чуркоодо 16 мүнөт 4,93 секундда маарага 8-болуп келди.

Нурсултан Кеңешбеков эркектер арасында 1500 метрлик жарышта 3 мүнөт 46,45 секунд жыйынтык көрсөтүп, 7-орунду ээледи.  Ошондой эле 5000 метрлик аралыкты 13 мүнөт 49,07 секундда чуркап өтүп, 6-орунга жазылды. 

Анна Коробовцева кыз-келиндер арасында 800 метрлик аралыкта 2 мүнөт 10,52 секундда чуркап, мелдешти 13-орун менен жыйынтыктады.