Казакстандын Астана шаарында өтүп жаткан Дүйнө чемпионатында эркин күрөш боюнча кыргызстандык балбан Тайырбек Жумашбек уулу чейрек финалга чыкты.

65 кг чейинки салмак категориясында күч сынашкан спортчу өзбекстандык Машрабжон Узаковду 9:1 эсебинде ишенимдүү жеңип алды.

Жарым финалга чыгуу үчүн боло турган кезектеги беттеште ал Болгариянын атынан катышып жаткан Шамиль Мамедов менен күрөшөт.