Турак жай жана жарандык курулуш департаментинин Ош облусундагы капиталдык курулуш башкармалыгы Ноокат районунун Көк-Жар айылындагы 100 орундуу оорукананы курууга тендер жарыялады. Бул тууралуу Мамлекеттик сатып алуулар департаментинин порталына чыккан. 

Маалыматка караганда, оорукана бир нөөмөттө 100 кишини кабыл алууга ылайыкташып, бейтапканасы менен кошо салынат. Анын курулушу 207 млн 44 миң сомго бааланууда. Сынакка катышуучулар арызды 1-сентябрга чейин бериши керек.