Бүгүн, 25-декабрда, IV Элдик Курултайдын ачылыш күнүндө, Кыргыз Республикасынын Президенти Садыр Жапаровдун онлайн катышуусунда өлкө боюнча жалпысынан 94 объект пайдаланууга берилди.

Анын алкагында Баткен облусунда 11 объект ишке киргизилди. Алардын ичинде 3 өндүрүш ишканасы, 7 социалдык объект жана 1 жол объектиси бар.

Алар төмөнкүлөр:

Жол тармагы

1. Баткен районундагы Сары-Талаа – Кызыл-Таш – Зардалы унаа жолу

Өндүрүш ишканалары

1. Лейлек районунун Кулунду айыл аймагындагы Булак-Башы айылында жайгашкан «Мега Газаблок» ишканасы
2. Лейлек районунун Кулунду айыл аймагындагы «Сүлүктү» 11-талаа көмүр кени
3. Бирлик айыл аймагынын Жаңы-Коргон айылындагы логистикалык борбор

Социалдык объектилер

1. Кадамжай районунун А.Масалиев айыл аймагынын Кара-Дөбө айылындагы З.М. Бабур атындагы 225 орундуу мектеп
2. Лейлек районунун Тогуз-Булак айыл аймагынын Айбике айылындагы №27 Үй-бүлөлүк дарыгерлер тобунун имараты
3. Лейлек районунун Тогуз-Булак айыл аймагынын Баул айылындагы №19 Үй-бүлөлүк дарыгерлер тобунун имараты
4. Кызыл-Кыя шаарынын Ак-Булак айылындагы Үй-бүлөлүк дарыгерлер тобунун имараты
5. Лейлек районунун Кулунду айылындагы Т. Жолдошев атындагы орто мектеп капиталдык оңдоп-түзөөдөн өттү
6. Кадамжай районунун Орозбеков айыл аймагынын Охна айылындагы гимназия мектеби капиталдык оңдоп-түзөөдөн өттү
7. Сүлүктү шаарындагы Үй-бүлөлүк дарыгерлер борбору капиталдык оңдоп-түзөөдөн өттү