Алдыдагы Көчмөндөр оюндарына даярдык көрүү алкагында Чолпон-Ата шаарындагы ипподром жаңыланат. Бул тууралуу Министрлер кабинетинин төрагасынын орун басары Бакыт Төрөбаев Ысык-Көл облусуна иш сапарынын жүрүшүндө билдирди.

Анын айтымында, ипподромдун аймагын заманбап талаптарга ылайык жаңылоо, коопсуздук чараларын күчөтүү жана көрүүчүлөр үчүн ыңгайлуу шарттарды түзүү зарыл. Бакыт Төрөбаев тиешелүү мамлекеттик жана жергиликтүү органдарга даярдык иштерин өз убагында жана сапаттуу жүргүзүү боюнча тапшырмаларды берди.

Ошондой эле долбоорлордун ишке ашырылышын координациялоо жана курулуш-оңдоо иштерин тыкыр көзөмөлдөө милдети жүктөлдү.

Чолпон-Атадагы ипподром Көчмөндөр оюндарынын алкагында өтө турган негизги спорттук иш-чараларды кабыл ала турган объекттердин бири болуп саналат.