Чүйдүн Жайыл районундагы Суусамыр айылынын Бороондуу жайлоосунда кар көчкүнүн астында калган жаранды издөө уланууда. Бүгүн издөө иштерине ӨКМден 24 куткаруучу, айыл аймактан 28, ИИМден 1 жана туугандарынан 2, жалпы 55 адам тартылды.

Жоголгон жаран 13-февралда түнкү саат 3:00дөн тарта изделүүдө. Кечээ ӨКМдин аймактык башкармалыктарынан, ведомстволук түзүмдөрдөн жалпы 24 куткаруучу чыгып, 10 баш койдун тарпын табышкан.

Эскерте кетсек, 12-февралда Д.А. аттуу 59 жаштагы эркек кишини 50 баш кой, 1 аты менен кар көчкү басып калган.