Курулуш министрлиги санариптештирүүнүн алкагында курулуш лицензиясын алуу процессин license.minstroy.kg маалыматтык системасы аркылуу онлайн форматка өткөрдү.

Бул үчүн системага логин, пароль жана уюмдун ИННин көрсөтүп, катталуу керек. Андан кийин сертификаттары бар адистердин командасын түзүп, аларды системага чакыруу зарыл. Андан соң лицензия алууга арыз берилет.

Система Мамлекеттик салык кызматы менен биргеликте маалыматтарды текшерип, мамлекеттик алымды төлөө үчүн төлөм кодун түзөт. Төлөмдү төлөгөндөн кийин лицензия автоматтык түрдө QR-код менен түзүлүп, жеке кабинетте көрсөтүлөт.