1-апрелден тарта өлкө боюнча балдарды мектепке электрондук каттоо башталды. Бул тууралуу Агартуу министрлигинен билдиришти.

Маалыматка ылайык, каттоонун биринчи этабы саат 10:00дө башталган. Саат 17:30га карата өлкө боюнча 15 626 бала мектепке катталды.

Алар:

• Бишкек шаарында — 4 478;
• Ош облусунда — 2 630;
• Жалал-Абад облусунда — 2 505;
• Баткен облусунда — 1 641;
• Чүй облусунда — 1 582;
• Ысык-Көл облусунда — 1 104;
• Нарын облусунда — 641;
• Талас облусунда — 535;
• Ош шаарында — 510.

Министрликтен белгилешкендей, биринчи этапта ата-энесинин (мыйзамдуу өкүлүнүн) тиешелүү мектептин микроучастогу боюнча туруктуу каттоосу бар балдар кабыл алынууда.

Эске салсак, быйыл 1-класска 2017, 2018-жылдары төрөлгөн балдар кабыл алынат.