Бүгүн Бишкек шаарында спорттук күрөш боюнча Азия чемпионаты старт алат. Бул тууралуу Дене тарбия жана спорт боюнча мамлекеттик агенттиги билдирди.

Ири мелдешке Азиянын эң күчтүү балбандары чогулуп, биринчи күнү грек-рим күрөшү боюнча таймаштар өтөт. Медалдар төмөнкү салмак категорияларында ойнотулат: 55 кг, 63 кг, 77 кг, 87 кг жана 130 кг.

Кыргызстандын атынан килемге чыга турган балбандар:

•  55 кг — Улан Муратбек уулу 
•  63 кг — Автандил Таалайбеков 
•  77 кг — Акжол Махмудов
•  87 кг — Асан Жанышов 
•  130 кг — Роман Ким 

Алдын ала беттештер саат 11:30да башталат. Турнир 6–12-апрель күндөрү өтөт.

Кыргыз спорт жылдыздарынын кармаштарын УТРК Спорт телеканалы аркылуу түз эфирде көрө аласыздар!