Талас шаарынын борбордук паркында Апрель революциясында  курман болгондор эскерилди. Иш чарага КР Президентинин Талас облусундагы ыйгарым укуктуу өкүлү Эрмат Джумаев, Талас шаарынын мэри Нургазы Чолпонкулов, 7-Апрель революциясынын баатырлары жана курман болгон баатырлардын ата-энелери, туугандары катышышты.

Курман болгондорду эскерүү иш-чарасында Апрель баатырларынын эстелигине гүлчамбар коюлуп, куран багышталып, курман болгондорду бир мүнөт эскеришип, алардын урматына аскердик залп атылды.

Андан кийин Талас облустук драма театрында иш-чара уюштурулуп, Апрель ыңкылабын чагылдырган театралдаштырылган пролог тартууланып, 7-апрель мектеп окуучуларынын көзү менен аттуу сүрөт көргөзмөсү уюштурулду. 

Эскерте кетсек, 7-апрель окуясына быйыл 16 жыл болду.