Бишкек шаарында өтүп жаткан күрөш боюнча Азия чемпионатында Яков Чаплин чейрек финалдык баскычта тажикстандык И. Картоев менен күч сынашып, 2:2 эсебинде жеңишке жетти.

92 кг салмак категориясында өткөн бул кармаш абдан курч мүнөздө болду. Эки балбан тең этият жана тактикалык күрөш жүргүзүп, ар бир упай үчүн катуу аракеттеништи. Беттеш тең эсеп менен жыйынтыкталганы менен, акыркы ийгиликтүү ыкманы жасаганы үчүн артыкчылык кыргыз балбанына берилип, ал жарым финалга жолдомо алды.

Яков Чаплин медаль үчүн күрөштү улантып, күйөрмандардын ишенимин актай алды.

Яков Чаплиндин кийинки атаандашы бахрейндик Магомед Шарипов.

Азия чемпионатынын түз берүүлөрүн УТРК Спорт телеканалынан көрө аласыздар.