Агартуу министрлиги мектептерде өтүүчү «Акыркы коңгуроо» салтанатына карата окуучулардан жана ата-энелерден акча чогултууга тыюу салынганын билдирди.

Министрликтин маалыматына ылайык, бул чечим коррупциялык көрүнүштөрдүн алдын алуу, ата-энелерге кошумча чыгым жаратпоого жана билим берүү тармагындагы ачык-айкындуулукту камсыздоого багытталган.

№593/1 буйругуна ылайык:

•  «Акыркы коңгуроо» үчүн акча чогултууга; 
•  мугалимдерге жана мектеп жетекчилигине белек алууга каражат топтоого; 
•  мектептен тышкаркы кымбат иш-чараларды уюштурууга; 
•  ата-энелерге материалдык басым көрсөтүүгө тыюу салынат. 

Министрлик мектеп жетекчилерин, мугалимдерди жана ата-энелерди мыйзам талаптарын так сактоого чакырып, майрам коопсуз жана ашыкча чыгымсыз өтүшү керектигин белгиледи.