Тегерек столдун ишине мамлекеттик органдардын өкүлдөрү, илимий коомчулук, эл аралык уюмдар, экологиялык түзүмдөр жана бизнес өкүлдөрү катышууда.
Иш-чараны ачып жатып, Кыргыз Республикасынын жаратылыш ресурстары, экология жана техникалык көзөмөл министри Акыл Токтобаев аймактагы экологиялык көйгөйлөрдү чечүүдө биргелешкен аракеттердин маанисине токтолду.
Иш-чарага катышкандар:
- экология министри Акыл Токтобаев;
- анын орун басары Алмаз Мусаев;
- президенттин Ысык-Көл облусундагы ыйгарым укуктуу өкүлү Бакытбек Жетигенов;
- Ысык-Көл районунун акими Жапарбек Ормонов;
- Экология министрлигине караштуу Калдык жана саркынды сууларды туруктуу башкаруу башкармалыгынын башчысы Асел Мурзабаева;
- Экология министрлигине караштуу Биоресурстар башкармалыгынын башчысы Кумар Мамбеталиев;
- Өзгөчө кырдаалдар министрлигине караштуу Суучулдар кызматынын башчысы Сабыржан Аламанов;
- Каракол шаарынын «Тазалык» муниципалдык ишканасы — Б. Э. Мамбеталиев;
- «Zero Waste» ЖЧКсынын башкы директору Максатбек Амангелдиев;
- Өзгөчө кырдаалдар министрлигине караштуу Мамлекеттик гидрометеорологиялык кызмат (Кыргызгидромет) — Гүлбара Оморова;
- И. Раззаков атындагы КМТУнун илимий коомчулугу — техника илимдеринин доктору, профессор Салмор Алымкулов;
- Россиянын илимдер академиясынын Океанология институту — Владимир Каново;
- БУУнун Өнүктүрүү программасы (БУУӨП) — Ирина Талканбаева;
- Пансионаттардын жана туристтик-эс алуу комплекстеринин өкүлдөрү — Ысык-Көл облусунун туристтик-саламаттыкты чыңдоо бизнеси.
“Бул глобалдык көйгөйлөрдү чечүүдө мамлекеттик органдардын гана күчү жетишсиз. Бул жерде аба менен суудай эле көп тараптуу мамиле, илимий-академиялык чөйрөлөрдүн, эл аралык эксперттердин жана адистердин тыгыз кызматташуусу зарыл. Баарыбыз күч-аракетибизди бириктирип, чогуу иш алып барсак, коюлган максаттарга тез жетебиз деп терең ишенем. Ысык-Көлдү сактоо - келечек муун алдындагы ыйык милдетибиз”, - деди министр.
Тегерек столдун жүрүшүндө Ысык-Көлдүн экосистемасын сактоого багытталган мамлекеттик саясаттын негизги багыттары, илимий ыкмалар, экологиялык жүктөмдү азайтуу, жаратылыш ресурстарын сарамжалдуу пайдалануу жана аймакты туруктуу өнүктүрүү маселелери талкууланууда.
