"Бишкекасфальтсервис" муниципалдык ишканасы Месарош көчөсү Профсоюз көчөсүнөн Фучик көчөсүнө чейинки бөлүгүндө капиталдык оңдоо иштерин улантууда. Бул иштер 2026-жылга карата титулдук тизменин алкагында жүргүзүлүп жатат.

Учурда объектте асфальт-бетон жабуусун төшөө иштери жүрүүдө. Оңдолуп жаткан жол тилкесинин жалпы узундугу 1350 метрди түзөт.

Долбоорду ишке ашырууда ресайклер атайын заманбап технологиясы пайдаланылууда. Бул ыкма жол жабуусун бекемдеп, сапатын жогорулатып, анын мөөнөтүн узартууга мүмкүнчүлүк берет.