Бишкек шаарында 2026-жылдын 26-июнунан тартып биринчи этаптын алкагында жол-транспорттук инфраструктураны реконструкциялоо жана жакшыртуу иштерине байланыштуу автоунаалардын кыймылы убактылуу чектелет.

Чектөө М. Иманалиев көчөсүнүн Байтик баатыр көчөсүнөн Жукеев-Пудовкин көчөсүнө чейинки бөлүгүндө киргизилет.

Мындан тышкары, реконструкциянын экинчи этабынын алкагында М. Иманалиев көчөсүнүн Жукеев-Пудовкин көчөсүнөн 7-Апрель көчөсүнө чейинки бөлүгүндө да кыймыл чектелет.

Убактылуу чектөөлөр жол кыймылынын коопсуздугун камсыз кылуу, ошондой эле оңдоо-калыбына келтирүү иштерин белгиленген мөөнөттө жана сапаттуу жүргүзүү максатында киргизилүүдө.

Бишкек шаарынын мэриясы шаар тургундары менен жөө жүргүнчүлөрдү маршруттарын алдын ала пландап, киргизилген өзгөрүүлөрдү эске алууга чакырат.

Жүргүзүлүп жаткан иштер шаардык жол тармагын жаңылоого, жол коопсуздугун жогорулатууга жана тейлөө сапатын жакшыртууга багытталган.