Дүйнө чемпионаты-2026 турниринин жарым финалдык беттешинде Аргентина курама командасы Англияны 2:1 эсебинде утуп, финалга жолдомо алды. Оюн толугу менен эмоцияга, курч чабуулдарга жана күтүүсүз бурулуштарга бай болду.

Биринчи таймда эки команда тең сак ойноп, коргонууга басым жасашты. Экинчи таймдын башында Англия чабуулду күчөтүп,  Энтони Гордон эсепти ачты. Оюндун бүтөрүнө саналуу мүнөттөр калганда, Лионель Мессинин кыска бурчтан чыгарып берген пасын Энцо Фернандес айып аянтчасынын сыртынан таамай сокку менен дарбазага багыттап, эсепти теңдеди.

Чечүүчү голду кошумча берилген мүнөттө Лаутаро Мартинес киргизди. 
Аргентина финалда Испания менен күч сынашат. Ал эми Англия 3-орун үчүн Франция менен беттеш өткөрөт.