Президент Садыр Жапаров "Менин үйүм" мамлекеттик турак жай программасын өркүндөтүүгө багытталган жарлыкка кол койду.

Өзгөртүүгө ылайык, эми аскер кызматкерлери жана укук коргоо органдарынын кызматкерлери кызмат өтөп жаткан жерине карабастан мамлекеттик турак жай программасына катышууга укук алышты. Мунун негизинде алар өлкөнүн кайсы аймагында кызмат өтөп жатканына карабастан турак жай алуу үчүн арыз тапшыра алышат.

Ошол эле учурда талапкерлер программада каралган бардык шарттарга жооп берүүгө жана арыз берүү тартибин толук сактоого милдеттүү.

Белгиленген өзгөртүүлөр президенттин 2024-жылдын 17-июлундагы №191 "Кыргыз Республикасынын "Менин үйүм" мамлекеттик турак жай программасын бекитүү жөнүндө" жарлыгына киргизилди.

Жаңы жарлыкка 2026-жылдын 29-июлунда кол коюлуп, ал 31-июлда "Эркин Тоо" гезитине расмий жарыяланган. Документ расмий жарыяланган күндөн тартып 10 күн өткөндөн кийин күчүнө кирет.