2026-жылдын 31-августунда VI Дүйнөлүк көчмөндөр оюндарынын ачылыш аземине келген көрүүчүлөр үчүн Бишкектин ар кайсы аймактарынан «Бишкек Аренага» акысыз шаттл-автобустар каттайт.
Шаттл-автобустар саат 14:00дөн 16:00гө чейин 21 жөнөө пунктунан чыгат. Ар бир пункттан "Бишкек Аренага" жөнөгөн акыркы автобус саат 16:00дө каттайт.
Акысыз шаттл-кызматты VI Дүйнөлүк көчмөндөр оюндарынын ачылыш аземине билети же иш-чарага чакыруусу бар көрүүчүлөр пайдалана алышат.
Шаттл-автобустардын жөнөө пункттары:
- Ибраимов жана Фрунзе көчөлөрүнүн кесилиши;
- Жибек Жолу проспектиси менен Кулиев көчөсүнүн кесилиши — мурдагы Батыш автобекети;
- Барпы Алыкулов көчөсү, 32 — Киркомстрой;
- А. Токомбаев көчөсү, 3/7 — Асанбай кичи району;
- Ак-Кула автобекети — Кожомкул айылы, Фрунзе көчөсү, 13B/1;
- Ауэзов көчөсү, 4 — Аламүдүн-1 кичи району;
- Тунгуч кичи району, 64/1 — акыркы аялдама;
- Аул көчөсү, 10A/1 — Кожзавод;
- Жибек Жолу проспектиси, 263/2 — мурдагы Чыгыш автобекети;
- Иса Ахунбаев жана Достоевский көчөлөрүнүн кесилиши — Көк-Жар конушу;
- Алтымышев көчөсү, 98/1;
- Байтик айылы, Ала-Арча көчөсү, 1/6 — «Глобус»;
- Эркиндик бульвары, 1/A — Темир жол бекети;
- Иманалы Айдарбеков көчөсү, 287 — мурдагы Жаш Гвардия бульвары;
- Малдыбаев көчөсү, 275/6 — Жаштар кварталы;
- Шабдан Баатыр көчөсү, 52 — азыркы Чүй проспектиси, ДЭПО-2;
- Москва көчөсү, 239 — №4 электр автобустун ДЭПО-1 акыркы аялдамасы;
- Дэн Сяопин проспектиси, 209 — азыркы Чүй проспектиси;
- Тимур Фрунзе көчөсү — Айыл чарба институту;
- Ала-Тоо көчөсү, 115 — Ала-Тоо конушу;
- Тыналиев көчөсү, 16.
Ачылыш аземи аяктагандан кийин көрүүчүлөр шаарга кайтуу үчүн "Бишкек Аренага" келген багыты боюнча ошол эле каттамдарда жүргөн шаттл-автобустарды пайдалана алышат.
Бишкек мэриясы көрүүчүлөрдү акысыз шаттл-транспорттун кызматынан пайдаланууга чакырат. Ошондой эле иш-чарага өз убагында жетип, ачылыш аземи башталганга чейин өз орундарын ээлөө үчүн жөнөө пункттарына алдын ала келүү сунушталат.
