ROX Group компаниясы көчмөн спортунун жана маданиятынын эл аралык майрамы болгон VI Дүйнөлүк көчмөндөр оюндарынын расмий өнөктөшү аталды. Бул өнөктөштүк курулуш тармагына, кайра жаралуучу энергия булактарына жана финансылык кызматтарга инвестиция салуу аркылуу ишке ашкан ROX Groupтун Кыргыз Республикасына болгон узак мөөнөттүү милдеттенмесин бекемдейт. 

ROX Groupтун өкүлү катары «РЦА Ливинг» компаниясы жана Кыргыз Республикасынын Президентинин Иш башкармалыгынын алдындагы «Спорттук комплекс» мамлекеттик ишканасы келишимге кол коюу аземинде бул өнөктөштүктү расмий түрдө бекитишти. 

ROX Group Кыргыз Республикасында бир нече стратегиялык долбоорлорду ишке ашырууда: 

· Royal Central Park - "Баары бир жерде" (All-in-One) концепциясына негизделген көп функционалдык шаардык комплекс.

· «ROX Ысык-Көл» күн электр станциясы - Кыргыз Республикасынын жашыл энергетикасына жана узак мөөнөттүү туруктуу өнүгүүсүнө салым кошкон Борбордук Азиядагы эң ири кайра жаралуучу энергия долбоорлорунун бири.

· Өлкөнүн алдыңкы коммерциялык банктарынын бири болгон Kompanion Банк менен стратегиялык өнөктөштүк. 

«ROX Group компаниясына кош келиңиздер демекчибиз. Ишенимдүү эл аралык өнөктөштөрдүн колдоосу бизге өлкөбүздү дүйнөлүк аудиторияга тааныштырган жогорку деңгээлдеги иш-чараны өткөрүүгө жардам берет жана Кыргыз Республикасы менен эл аралык инвесторлордун ортосундагы өсүп жаткан кызматташтыкты чагылдырат», - деп белгиледи «Спорттук комплекс» мамлекеттик ишканасынын директору Эшматов Нурмухаммед Каныбекович. 

Көчмөндөр оюндары дүйнө жүзүндөгү спортчуларды, делегацияларды жана көрүүчүлөрдү өзүнө тартып, Кыргыз Республикасынын эл аралык маданий жана спорттук иш-чараларды уюштурган  алдыңкы өлкө катары позициясын бекемдейт деп күтүлүүдө. 

«VI Дүйнөлүк көчмөндөр оюндарынын расмий өнөктөшү катары Кыргыз Республикасындагы эң маанилүү эл аралык иш-чаралардын бирин колдогонубуз биз үчүн чоң сыймык. Оюндар аймактын мурасын, биримдигин жана рухун, башкача айтканда ROX Group компаниясына жакын баалуулуктарды даңазалайт. Андыктан биз да өлкөнүн туруктуу өнүгүүсүнө салым кошкон узак мөөнөттүү инвестицияларды уланта беребиз», - деди «РЦА Ливинг» компаниясынын директору Фан Ань Сон. 

ROX Group жөнүндө 

30 жылдык өнүгүүсүн белгилеп жаткан ROX Group Вьетнамдын алдыңкы көп тармактуу инвестициялык топторунун бири болуп саналат. Анын ишмердүүлүгүнүн негизги багыттары кыймылсыз мүлк, энергетика жана каржы тармактарын камтыйт. Бүгүнкү күндө ROX Groupтун Азиянын жана Европанын тогуз өлкөсүндө жана аймактарында инвестициялары бар. Туруктуу өнүгүүнүн узак мөөнөттүү концепциясынын негизинде, компания кардарлар, өнөктөштөр жана жергиликтүү коомчулуктар үчүн узак мөөнөттүү баалуулуктарды түзүүгө умтулат жана иш алып барган өлкөлөрдүн экономикалык өнүгүүсүнө салым кошуп келет.