Бүгүн, 1-сентябрда Бишкек шаарында Шанхай кызматташтык уюмуна (ШКУ) мүчө мамлекеттердин лидерлеринин кезектеги саммити өттү. Жыйындын жыйынтыгында 30га жакын документке кол коюлду.

Саммиттин алкагында көп тараптуу кызматташтыкты бекемдөөгө, аймактык коопсуздукту камсыз кылууга жана уюмдун ишмердигин өркүндөтүүгө багытталган бир катар маанилүү чечимдер кабыл алынды.

Документтерде регионалдык коопсуздук, баңгизаттардын мыйзамсыз жүгүртүлүшүнө каршы күрөшүү, жасалма интеллектти өнүктүрүү, маалыматтык коопсуздук, энергетика, транспорт жана логистика, климаттын өзгөрүшү, ошондой эле биологиялык ар түрдүүлүктү сактоо маселелерине өзгөчө көңүл бурулду.

Мындан тышкары, ШКУ алкагындагы кызматташтыкты мындан ары кеңейтүүгө багытталган бир катар демилгелер колдоого алынды.