VI Дүйнөлүк көчмөндөр оюндары учурунда мүмкүнчүлүгү чектелген адамдарга  Эмгек, социалдык камсыздоо жана миграция министрлигинин өкүлдөрү консультациялык жардам көрсөтөт. 

Адистер конокторго иш-чара өтүп жаткан аймакта багыт алууга, керектүү жерди табууга, консультациялык жардам алууга жана жүрүп-турууда көмөк көрсөтүүгө жардам беришет. Аларды логотиби бар атайын жилеттеринен таанып билүүгө болот.
Тиешелүү тармак 1-сентябрдан 6-сентябрга чейин иш-чаралар өтүп жаткан жайларда иштешет.