18-октябрда Бишкек Аренада дүйнөлүк жылдыз Шакиранын концерти чоң аншлаг менен өттү. Ага республикабыздын тургундары гана эмес, чет өлкөлөрдөн келген күйөрмандар да күбө болушту.

Кечеден кийин атактуу ырчы өзүнүн расмий Инстаграм баракчасына концерттин жүрүшүнөн сүрөттөрдү жана күйөрмандардын жылуу пикирлерин жарыялады. Шакира Кыргызстандагы шоу тууралуу пикирин калтырды.

"Кыргызстан жана анын эли мага абдан жакты, укмуштуудай шоу үчүн рахмат!", - деп жазылат билдирүүдө.

Ырчынын бул сөздөрү мекендештерибиздин гана эмес, бардык күйөрмандардын жүрөгүн жылытып, социалдык тармактарда абдан чоң кубаныч менен талкууланууда.